Ларец Магических Искусств

магический форум, магическая помощь, обучение, ясновидению, гадания таро

Добро пожаловать в наш Ларец!

Молитва святителю Иулиану Кеноманийскому

Модератор: Джемма

Аватара пользователя
Профиль
Зарегистрирован: 05 май 2017, 13:45
Магическое направление: Ленорман и Таро
Поблагодарили: 3 раза
Пол: Женщина
Сообщения: 135
Контактная информация:

Молитва святителю Иулиану Кеноманийскому

Сообщение#1 » 10 май 2017, 18:24

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Иулиане, предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благосостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, стары утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.

Тропарь святителю, глас 4-й
Правило веры и образ кротости воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Иулиане, моли Христа Бога спастися душам нашим.

Кондак святителю, глас 2-й
Божественный гром, труба духовая, веры насадителю и отсекателю ересей, Троицы угоднице, великий святителю Иулиане, со внгелы предстоя присно, моли непрестанно всех о нас.
Величание святителю
Величаем тя, святителю отче Иулиане, и чтим святую память твою: ты бо молиши за нас Христа Бога нашего.
Изображение

Вернуться в «Молитвы и псалмы»

Кто сейчас на конференции

Сейчас этот форум просматривают: нет зарегистрированных пользователей и 0 гостей